Гутерриш Путинді «Азовстальдағы» адамдарды эвакуациялау мәселесін шешуге шақырды

Кездесу Сурет: pixabay
Біріккен Ұлттар Ұйымының (БҰҰ) Бас хатшысы Антониу Гутерриш Мәскеуде Ресей президенті Владимир Путинмен кездесіп, Украина аумағындағы жағдайды талқылады, деп хабарлайды Zakon.kz.

Кездесу барысында БҰҰ Бас хатшысы Ресейдің еуропалық қауіпсіздік пен Украинадағы жағдайға қатысты бірқатар талаптарының бар екенін түсінетінін айтты. Cондай-ақ ол қақтығысты реттеу мақсатында диалогты ұйымдастыруға қатысты Түркияның күш-жігерін қолдайтынын атап өтті.

Содан кейін Гутерриш Украинада гуманитарлық байланыс тобын құру туралы ұсынысын қайта алға тартты, деп хабарлайды РИА Новости. Оның айтуынша, БҰҰ екі-үш күн ішінде азаматтық тұлғаларды эвакуациялауды ұйымдастыру үшін "Азовстальдағы" жағдайды бағалауға және оларды эвакуациялау кезінде кепіл болуға дайын екенін жеткізді.

Бұған жауап ретінде Путин БҰҰ басшысына дұрыс мәлімет жетпегенін, шынтуайтында гуманитарлық дәліздер жұмыс істеп жатқанын айтты. Сондай-ақ ол БҰҰ мен Қызыл Крест өкілдеріне украиналық әскери тұтқындардың қандай күйде екенін өз көздерімен көруді ұсынды.

Ресей президентінің айтуынша, ол әлі де Украинамен дипломатиялық жолда келісімдерге қол жеткізуге болады деп үміттенеді.

Бұған дейін Гуттериш Ресей СІМ басшысы Сергей Лавровпен сөйлесіп, дүйсенбіде Анкарада Түркия президенті Режеп Тайып Ердоғанмен кездесті.

Антониу Гуттериш Украина президенті Владимир Зеленскиймен кездесу үшін Киевке баруға ниетті.

Бөлісу
0
Толық оқу
Басты Топ LIVE Бәрі
Жаңалықтар трендінде болыңыз!
Хабарландыруларды қосыңыз және алдымен расталған жаңалықтарды алыңыз.

Браузерде хабарландыруларды кез келген уақытта өшіруге болады

Біздің хабарландыруға жазылыңыз!
Хабарландыру қосу үшін қоңырау белгісін басыңыз