Алматыда демалыс күндері екі құтқару операциясы жүзеге асырылды

Төтенше жағдай Сурет: Instagram/109_almaty
Демалыс күндері Алматы қаласының құтқару қызметіне таудан туристерді түсіруді сұраған екі өтініш келіп түсті, деп хабарлайды Zakon.kz.

"109" нөміріне бірінші хабарлама қалалық ТЖД-ның кезекші бөлімінен 8 мамыр күні кешке келіп түсті. Қимасар шатқалы аумағында 40 жастағы ер адам аяғын жарақаттап, өздігінен қозғала алмай қалған. Құтқарушылар тобы оған жақын орналасқан "109" қызметінің тау-кен базасынан зардап шегушіні іздеуге шықты.

Құтқарушылар аяғы сынған ер адамды тауып, оған алғашқы медициналық көмек көрсетті және зембілдің көмегімен таудан эвакуациялады. Оларды күтіп алған жедел медициналық жәрдем бригадасы ер адамды стационарға жеткізді.

Екінші шақырту 9 мамыр күні сағат 15:08-де түсті. Үлкен Алматы шыңына шығып алған 22 жастағы қыз бен 23 жастағы жас жігіт ол арадан өздігінен түсе алмай, әуре-сарсаңға түскен.

Құтқарушылар көрсетілген координаттар бойынша жастарды дөп тауып барды. Екеуі де медициналық көмекке мұқтаж болмады, құтқарушылар оларды эко бекетке дейін алып келді. Одан соң жастарға таудағы жүріс-тұрыс ережелері бойынша түсіндірме жұмысы жүргізілді, пайдалы кеңестер берілді. Іздеу жұмыстары екі жағдайда да сәтті аяқталды.

Төтенше жағдай

Сурет: Instagram/109_almaty

Бөлісу
0
Толық оқу
Басты Топ LIVE Бәрі
Жаңалықтар трендінде болыңыз!
Хабарландыруларды қосыңыз және алдымен расталған жаңалықтарды алыңыз.

Браузерде хабарландыруларды кез келген уақытта өшіруге болады

Біздің хабарландыруға жазылыңыз!
Хабарландыру қосу үшін қоңырау белгісін басыңыз