Жаңалықтар тізбегі
0

Президент мыңнан аса оқушыға домбыра тартқызған Айтжан Тоқтағанға алғыс хат жолдады

Домбыра тартқан оқушылар, сурет - Zakon.kz жаңалық 27.05.2022 17:02 Сурет: NIS
Мемлекет басшысы Қасым-Жомарт Тоқаев мәдениет қайраткері, Назарбаев зияткерлік мектебінің оқушыларымен ауқымды домбыра сабағын өткізген Айтжан Тоқтағанға алғыс хат жолдады, деп хабарлайды Zakon.kz.

Президент Ұлттық өнерді ұлықтауға бағытталған Назарбаев зияткерлік мектебінің бұл мәдени іс-шарасы Гиннес рекордтар кітабына енеді деп сенім білдірді.

Халық мұрасын насихаттау және үйрету ісіне бел шеше кірісіп, көпшілікке белгісіз туындыларды нотаға түсіріп, олардың авторларын анықтауға атсалысып келесіз. Сан жылғы зерттеу жұмыстарыңыздың нәтижесі іспетті еңбектеріңіз қазіргі таңда музыка мектептері мен оқу орындарында оқулық ретінде қолданылып жүр. Ал Назарбаев зияткерлік мектебінің мыңнан астам оқушысы қатысқан домбыра сабағыңыз өскелең ұрпақтың ұлттық күй өнеріне қызығушылығын арттырып, білімін тереңдеткен маңызды шаралардың бірі болды. Ұлттық өнерді ұлықтауға бағытталған бұл мәдени іс-шара Гиннес рекордтар кітабына енеді деп сенемін, – делінген алғыс хатта.

Айта кетейік, Елордадағы физика-математика бағытындағы Зияткерлік мектепте мың оқушы бір мезгілде домбыра тартты. Оны Гиннесс рекордтар кітабына тіркеу жоспарланып отыр. Ең ауқымды домбыра сабағына ҚР еңбек сіңірген мәдениет қайраткері Айтжан Тоқтаған дирижерлік етті.

Мыңдаған оқушының орындауында «Сарыарқа», «Балбырауын», «Еркем-ай», «Кеңес», «Жастар биі» сынды атақты күйлер күмбірлеп, туындылардың шығу тарихы баяндалды.

Домбыра – әрбір қазақ үшін қасиетті аспап, ал біздің сабағымызды Гиннесс рекордтар кітабына енгізу – бұл домбыраны бүкіл әлемге паш ету.Айтжан Тоқтаған

Guinness World Records-қа (GWR) өтінім 2021 жылдың желтоқсан айында берілді. Гиннесс рекордтар кітабының талаптары бойынша ауқымды сабақты 25-тен астам стюард пен 2 куәгер қадағалады. Әрбір 50 қатысушыны бір тәуелсіз стюард бақылап, бейнежазба аймағынан шыққан немесе қажетті әрекетті орындамаған топтағы кез-келген қатысушыны дисквалификациялау жұмысына жауапты болды. Куәгерлер GWR-дің сенімді өкілі ретінде қызмет атқарып, рекордтың орнауы мен Кітаптың барлық критерийлерінің толық сақталуын қамтамасыз етті.

Жаңалықтан zakon.kz сайтында хабардар болыңыз:
Бөлісу
Если вы видите данное сообщение, значит возникли проблемы с работой системы комментариев. Возможно у вас отключен JavaScript
Жаңалықтар трендінде болыңыз!
Хабарландыруларды қосыңыз және алдымен расталған жаңалықтарды алыңыз.

Браузерде хабарландыруларды кез келген уақытта өшіруге болады

Біздің хабарландыруға жазылыңыз!
Хабарландыру қосу үшін қоңырау белгісін басыңыз
Беттегі қате туралы хабарлаңыз
Мәтіндегі қате: