Өз басын қатерге тігіп, мас жүргізушіні тоқтатпақ болған полицей марапатталды

Марапаттау Сурет: polisia.kz
Нұр-Сұлтан қаласы ПД Мамандандырылған патрульдік полиция батальонының қызмет аға инспекторы Архат Ракишев ІІ дәрежелі “Айбын” орденімен марапатталды, деп хабарлайды Zakon.kz.

Аталған Жарлыққа Мемлекет басшысы Қасым-Жомарт Тоқаев қол қойды. Награданы полицейге ҚР Ішкі істер министрінің бірінші орынбасары Марат Қожаев табыстады.

“Жасаған ерлігің үшін II дәрежелі “Айбын” орденімен наградталдың. Сол наградаңды министрдің тапсырмасымен өзіңнің көкірегіңе ілуге келіп отырмын, Архат батыр”, – деді вице-министр.

Марапаттау сәті

Сурет: polisia.kz

Нұр-Сұлтан қаласы ПД Мамандандырылған патрульдік полиция батальонының қызмет аға инспекторы өткен жылдың желтоқсан айында асқан ерлік көрсетіп, жол қауіпсіздігін сақтап қалған болатын. Ол елорданың Қошқарбаев көшесінде ережені өрескел бұзып, апатты жағдай тудырып келе жатқан жүк көлігін байқайды. Ер адам тәртіп сақшысының талаптарына бағынбай, қозғалысын жалғастырмақ болады. Қайғылы жағдайдың алдын алмақ болған Архат сол сәтте ауыр жарақат алады.

"Көнбегеннен кейін Архат кабинаға кірген. Кабинаға кіріп, жүргізушіні тоқтатам деген кезде, КамАЗдарда болады ғой дөңгелектің балонының кілті, балға сияқты қатты құрал, сондай затпен басынан ұрып, есінен тандырып, машинаны тоқтатпай ары қарай жүргізіп, шайқалтып итеріп жіберген. Содан жерге құлаған. Қасында келе жатқан, осыны көрген жүргізушілер Архатты басып кетпес үшін тоқтаған”, – деді әкесі Кабдуали Ракишев оқиғаны баяндап.

ІІ дәрежелі

Сурет: polisia.kz

Полиция капитанына екі рет ота жасалған. Комада болған жігіт бүгінде есін жиған.

“Мектепті “алтын белгіге” бітірді. Одан кейін Еуразия ұлттық университетіне түсті. Сол университетті де жақсы тәмамдады. Одан кейін академиясын оқыды. Өзінің арманы болатын. Жұмысқа орналасты. Енді сол арманына жетті деп отыр едік… Полиция жұмысы – өте ауыр жұмыс. Елдің амандығын ойлайтын жұмыс қой. Барлығы балаңыз ерлік жасады деп жазып жатыр. Баламның ерлік жасағанына қуанамын. Ел азаматы болғанына қуанамын”, – деді Архаттың анасы Алма Ракишева.

Әріптестері де Архатты әрдайым қолдап, көмектерін аямауда. Оның алдағы емін де ведомство толық қамтитын болады.

“Ауруханада да мен өзім жанында болдым. Көрдім қандай болғанын. Департаменттің ауруханасына да көп рақмет. Қолдарынан келгенін жасады. 24 сағат бойы мен байланыстамын. Қандай көмек болса да қол ұшын беруге дайынбыз”, – деді Нұр-Сұлтан қаласы ПД Мамандандырылған патрульдік полиция батальонының взвод командирі Нұрбек Кагибаев.

Мас күйде көлік тізгіндеген жүргізуші 8 жылға бас бостандығынан айырылды.

Жаңалықтан zakon.kz сайтында хабардар болыңыз:
Бөлісу
0
Толық оқу
Басты Топ LIVE Бәрі
Жаңалықтар трендінде болыңыз!
Хабарландыруларды қосыңыз және алдымен расталған жаңалықтарды алыңыз.

Браузерде хабарландыруларды кез келген уақытта өшіруге болады

Біздің хабарландыруға жазылыңыз!
Хабарландыру қосу үшін қоңырау белгісін басыңыз