Қазақстандық автокөліктердің бағасына утилизациялық алым қосылмайды

Қазақстандық автокөліктердің бағасына утилизациялық алым қосылмайды Сурет: akorda.kz
Мұндай мәлімет ҚР Индустрия және инфрақұрылымдық даму министрлігінің сайтында жарияланды, деп хабарлайды Zakon.kz.

Автокөлік өндірісі саласындағы кәсіпорындар, оның ішінде «Аллюр» компаниялар тобы мемлекет тарапынан субсидияланбайды.

Оның есесіне, отандық кәсіпорындар Еуразиялық экономикалық одақ заңнамасында қарастырылған шектеулер бойынша кедендік төлемдер мен утилизациялық алымдардан босатылды. Утилизациялық алымнан босату шығарылған әрбір автокөліктің бірдей (иденттік) сомасын қайтару және оны төлеу механизмі арқылы жүзеге асырылады.

Бүгінгі таңда бірқатар бұқаралық ақпарат құралында «Аллюр» компаниялар тобына 2019 жылы 21,3 млрд теңге, 2020 жылы 40,8 млрд теңге көлемінде мемлекеттік субсидия берілгендігі туралы расталмаған ақпарат жарияланды. ҚР ИИДМ баспасөз қызметі

Өндірушілердің міндеттемелерін орындау жөніндегі басты оператор ретінде «Жасыл даму» АҚ белгіленген болатын. Аталған компаниядан «Халықаралық қаржылық есептілік стандарты (IAS) 20» негізінде утилизациялық алымды қайтару «Мемлекеттік субсидия» деп аталады. Бұл ұғым аудиторлар арасында осылай деп аталады. Осыған орай БАҚ өкілдері арасында түсінбестік туып, нәтижесінде қате ақпарат жарияланды.

Жоғарыдағы сома утилизациялық алымнан босатылған өндіруші компанияның бұған дейін «Жасыл даму» компаниясына төлеген қаржысы болып табылады.

Бүгінгі таңда ҚР Индустрия және инфрақұрылымдық даму министрлігінде отандық өндіруші кәсіпорындарды утилизациялық алымнан «төлем-қайтару» механизмі арқылы емес, оны тікелей іске асыруды қарастыратын заңнама жетілдірілуде.

Тағы бір айта кетерлігі, қазақстандық автокөлік өндіруші кәсіпорындардан утилизациялық алымның алынбауына байланысты елімізде шығарылған көлік бағасына утилалым қосылмайды.

Жаңалықтан zakon.kz сайтында хабардар болыңыз:
Бөлісу
0
Толық оқу
Басты Топ LIVE Бәрі
Жаңалықтар трендінде болыңыз!
Хабарландыруларды қосыңыз және алдымен расталған жаңалықтарды алыңыз.

Браузерде хабарландыруларды кез келген уақытта өшіруге болады

Біздің хабарландыруға жазылыңыз!
Хабарландыру қосу үшін қоңырау белгісін басыңыз