Мәскеу биржасында доллар мен евро бағамы құлдырады

Құлдырау, сурет - Zakon.kz жаңалық 23.09.2022 19:11

Сурет: pixabay

Мәскеу биржасындағы күндізгі сауда-саттық қорытындысына сәйкес, доллар бағамы 22 шілдеден бастап алғаш рет 57 рубльге дейін төмендеді, деп хабарлайды Zakon.kz.

Евро бағамы да 1 шілдеден бері қарай алғаш рет 55 рубльден де төменге кетті.

1prime.ru мәліметінше, доллар бағамы "ертеңге" деген есепте 2,09 рубльге төмендеп, яғни 56,75 рубльді, евро 2,54 рубльге құнсызданып, 55,08 рубльді құраған.

Ал сауда-саттық кезінде евро бағамы 54,91 рубльге дейін төмендеді.

KASE мәліметтері бойынша, Қазақстанда бір доллар бағамы 479,85 теңгені, евро – 467,50 теңгені құрайды.

Ресейлік БАҚ-тың хабарлауынша, 21 қыркүйекте валюта және қор нарықтары елдегі ішінара мобилизация туралы ақпарат әсер еткен. Ол күні ресейлік валюта бағамы аздап төмендеді, бірақ бейсенбіде ол өз позициясын қайта нығайта бастады. Жұма күні осы құбылыс тағы көрініс тапты.

Оқи отырыңыз