Ресейліктер Грузияға да жаппай ағылып жатыр

Көші-қон мәселесі, сурет - Zakon.kz жаңалық 27.09.2022 19:28

Сурет: pixabay

Грузияның ішкі істер министрі Вахтанг Гомелаури күн сайын 10 мыңға жуық ресейлік шекараны басып өтетінін айтады. Бұл - Ресейде ішінара мобилизация жарияланғанға дейінгімен салыстырғанда шамамен 45%-ға көп көлем, деп хабарлайды Zakon.kz.

Грузия ішкі істер министрі Вахтанг Гомелауридің мәлімдеуінше, Ресеймен арадағы ел шекарасын жабуға ешқандай негізі жоқ, деп жазады Deutsche Welle.

Ресей азаматтары бірнеше жылдар бойы Грузияға келіп-кетіп жүр, сондықтан бүгіндері біз бұл процеске тежеу болмаймыз. Вахтанг Гомелаури

Үкімет шекаралық бақылау-өткізу бекеттеріндегі бақылауды күшейту жөнінде шаралар қолданады.

Бұған дейін ҚР Ішкі істер министрі Марат Ахметжанов 2022 жылдың тоғыз айында елге 1,7 млн, ал 2018 және 2019 жылдары 3 миллионға жуық ресейлік келгенін мәлімдеген болатын.

21 қыркүйектен бастап Қазақстанға 98 мыңға жуық Ресей азаматы келсе, 64 мыңнан астамы, керісінше елден кеткен.

Оқи отырыңыз