Үстел теннисінен ӘЧ-2022: Қазақстан құрамасы алғашқы жеңісіне қол жеткізді

Ченджу қаласы, сурет - Zakon.kz жаңалық 02.10.2022 16:34

Сурет: Instagram/ttfrk

Қытайдың Чэнду қаласында өтіп жатқан үстел теннисінен команда бойынша әлем чемпионатында Германия мен Франция спортшыларынан жеңілген Қазақстан құрамасы бүгін Өзбекстан өкілдерін ұтып, алғашқы жеңісіне қол жеткізді, деп хабарлайды Zakon.kz.

Өзбекстан теннисшілері қазақстандық үштіктің сенімді ойыны арқасында ойсырай ұтылды: Денис Жолудев, Кирилл Герасименко және Алан Құрманғалиев. Есеп - 3:0.

Денис Жолудев - Абдулазиз Анорбоев– 3:0 (11:6, 11:6, 11:8).

Кирилл Герасименко - Шохрух Искандаров– 3:0 (11:2, 11:6, 11:8).

Алан Құрманғалиев - Эльмурод Холиков– 3:0 (11:5, 11:2, 12:10).

2022 жылғы Әлем чемпионатының үш турынан кейін Қазақстан теннисшілері турнир кестесінде төртінші орынға орнықты. Кестеде Франция, Үндістан және Германия көш бастап тұр.

Қазақстан құрамасы 3 қазанда Үндістан спортшыларымен бақ сынасады.

Оқи отырыңыз