Бас прокуратура Қостанайдағы қару-жарақ дүкеніндегі жарылыс неден болғанын айтты

Қостанай, өрт, қару-жарақ дүкені, сурет - Zakon.kz жаңалық 04.10.2022 11:18

Сурет: Instagram/qostanai_tjd

Бас прокуратура 3 қыркүйекте Қостанай қаласында болған "Оружейная палата" дүкеніндегі жарылыс пен өрт фактісін тергеп-тексеріп жатыр, деп хабарлайды Zakon.kz.

Бас прокуратураның баспасөз қызметінің мәлімдеуінше, дүкеннің басшысы оқ-дәрі өткізуге рұқсаты болғандықтан, оқиға қарсаңында Қарағанды облысынан "Сокол" маркалы 40 килограмм оқ-дәріні кейіннен өлшеп орау және сату үшін сатып алған.

Бұл оқ-дәрі Қостанай қаласына ауа температурасы 36 градус ыстық болған кезде қауіпті жүктерді тасымалдау ережелерін бұза отырып тасымалданған және жарылыс болған дүкеннің жертөле бөлмесіне сақтауға қойылған. Сарапшылар "Жарылыстың себебі оқ-дәрінің тұтануы болды, бұл қирауға және өрттің тұтануына әкеп соқты" деген қорытындыға келді.Бас прокуратураның баспасөз қызметі

Қазіргі уақытта тергеу кінәлі адамдардың жауаптылық дәрежесін анықтауда.

Посмотреть эту публикацию в Instagram

Публикация от ҚР ТЖМ ТЖД / ДЧС МЧС РК (@qostanai_tjd)

2022 жылғы 3 қыркүйекте Қостанайда қару-жарақ дүкенінде жарылыс болып, салдарынан алапат өрт жақын маңдағы ТЖО және тұрғын үйлерге тарады. Өрт салдарынан дүкеннің 11 қызметкері зардап шекті, оның төртеуі қаза тапты.

Оқи отырыңыз