Өзбекстанмен арадағы шекарада өткізу пункттері 6 қазанда жұмыс істемейді

Шектеу, сурет - Zakon.kz жаңалық 05.10.2022 19:20

Сурет: gov.kz

"Қазығұрт" өткізу пункті (Қазақстан) мен "С. Наджимов" Өзбекстан) шектес өткізу пункті 6 қазанда сағат 09:00-ден бастап 7 қазанда сағат 09:00-ге дейін азаматтар мен автокөлік құралдары үшін жабық болады, деп хабарлайды Zakon.kz.

ҚР Қаржы министрлігі Мемлекеттік кірістер комитеті түсіндіріп өткендей, бұл уақыт аралығында екі мемлекеттің өткізу пункттері арасында өтетін газ құбырларында "Узтрансгаз" АҚ су сынау жұмыстарын жүргізеді.

Қазақстан-Өзбекстан шекарасындағы басқа өткізу пункттері штаттық режимде жұмысын жалғастыруда.

Тасымалдаушылардан және шекарадан өтуге ниет білдіргендердің барлығынан енгізілген шектеулерді ескере отырып, өз маршруттарын алдын ала жоспарлауды сұраймыз, делінген хабарламада.

Оқи отырыңыз