Астанада "Біз табиғаттағы қоқысқа қарсымыз!" экоакциясы өтеді

Сурет: Zakon.kz

8 қазан сағат 10.00-де Қазақстан астанасында "Бірге – таза Қазақстан!" республикалық акциясы аясында "Біз табиғаттағы қоқысқа қарсымыз!" экологиялық акциясы ұйымдастырылады.

Астана әкімдігінің хабарлауынша, акцияның басты мақсаты - жұртшылықтың, әсіресе жастардың назарын орман мен демалыс аймақтарының қоқыспен ластану мәселесіне аудару, облыстағы экологиялық жағдайды жақсартуға ықпал ету. Сонымен қатар қоршаған ортаны құрметтеуге және қоғамның табиғатпен үйлесімді өмір сүру мәдениетін қалыптастыруға ықпал ету.

Экологиялық акция аясында елорданың жасыл белдеуінің аумағын, ормандарды азаматтардың жаппай демалатын орындарын қоқыстан тазарту бойынша іс-шаралар өткізіліп, өскелең ұрпаққа арналған түрлі байқау мен іс-шара өткізіледі.