Түркістан облысының әкімі: Ауыл-аймақтарды дамытуға басымдық беріледі

Жұмыс сапары Сурет: Түркістан облысы әкімдігінің баспасөз қызметі
Түркістан облысының әкімі Дархан Сатыбалды Сарыағаш пен Келес аудандарына жұмыс сапарымен барып, тұрғындармен кездесу өткізді, деп хабарлайды Zakon.kz.

Алдымен сарыағаштықтармен кездескен өңір басшысы Сарыағаш ауданын дамытуға ерекше көңіл бөлінгенін және бұл жұмыстардың әрі қарай жаңа қарқынмен жалғасатынын жеткізді. Өңірдің әлеуметтік-экономикалық дамуы мен атқарылған жұмыстар жайлы баяндады. Сонымен бірге Мемлекет басшысы Қасым-Жомарт Тоқаевтың қыркүйек айындағы Қазақстан халқына арнаған Жолдауына сәйкес атқарылатын жұмыстарға тоқталды.

Әкімнің міндеті – халықпен кездесу, елдің жайын білу. Өзінің құзыреті аясында мәселелерді шешу үшін шаралар қабылдау. Барлық жұмыстар маңыздылығына байланысты кезең-кезеңімен жүзеге асады. Сондықтан құрғақ уәде бере алмаймын. Көтерілген мәселелер  орынды. Ауданды дамыту жұмыстары жалғасады. Түркістан облысының әкімі Дархан Сатыбалды

Жұмыс сапары

Сурет: Түркістан облысы әкімдігінің баспасөз қызметі

Одан кейін өңір басшысы Келес ауданы тұрғындарымен кездесті. Кездесуде және жеке қабылдауда тұрғындар тарапынан үй салуға жер беру, кітапхана салу, жұмыссыздық, спорт кешенін салу және өзге де мәселелер көтерілді. Өңір басшысы ұсыныстар орынды екенін, олар назарға алынатынын атап өтті.

Өңір халқымен кездесу

Сурет: Түркістан облысы әкімдігінің баспасөз қызметі

Ауыл шаруашылығы саласын Келес ауданының брендіне айналдыруға болады. Өйткені мұнда егін, мал шаруашылығын дамытуға барлық мүмкіндік бар. Осында өстік, бала кезде таңғы 7-ден бастап малға су беріп, қораны тазалап, бақшамызда түрлі дақылдар егіп өстік. Бір жылда 2-3 өнім алынатын. Осы үрдіс жалғасуы тиіс. Ауыл шаруашылығын дамытуға қатысты жобаларды толық қолдаймын. Мал шаруашылығымен айналысатын 25 шаруа қожалығы мен кәсіпорындардың тізімі бекітіліп, Өзбекстанға ет экспорттауға рұқсат алынды. Келестік шаруаларды да осы тізімге қосып, ет экспортын ұлғайтуға мүмкіндік мол. Спорт кешенін, Оқушылар сарайын, кітапхана салу мәселесін де қарастырамыз. Бұл аймақтың мәселелерін жақсы білемін. Жалпы өңір тұрғындарының 80 пайызға жуығы ауыл-аймақтарда тұрады. Сондықтан енді аудандарға, ауылдарға қолдау күшейтіледі. Түркістан облысының әкімі Дархан Сатыбалды

Жұмыс сапары

Сурет: Түркістан облысы әкімдігінің баспасөз қызметі

Облыс әкімі Келес өзеніндегі заңсыз карьер қазушылардың жұмысын тоқтату, синтетикалық дәріге қарсы күресті күшейту жөнінде жауаптыларға тапсырма берді.

Сарыағаш пен Келес ауданындағы қордаланған мәселелер бойынша арнайы жиналыс өткізіп, шешу жолдарын қарастыратынын жеткізді.

Жұмыс сапары

Сурет: Түркістан облысы әкімдігінің баспасөз қызметі

Іссапар барысында Дархан Сатыбалды екі аудандағы бірнеше кәсіпорын мен шаруа қожалығын аралап көрді.  Шаруалар мен кәсіпкерлердің өтініштерін тыңдап, кәсіпкерлікке қолдау күшейтілетінін айтты.

Жаңалықтан zakon.kz сайтында хабардар болыңыз:
Бөлісу
0
Толық оқу
Басты Топ LIVE Бәрі
Жаңалықтар трендінде болыңыз!
Хабарландыруларды қосыңыз және алдымен расталған жаңалықтарды алыңыз.

Браузерде хабарландыруларды кез келген уақытта өшіруге болады

Біздің хабарландыруға жазылыңыз!
Хабарландыру қосу үшін қоңырау белгісін басыңыз