ҚМА өз қатарындағы қызметкердің ұсталуына қатысты ақпаратқа түсінік берді

Сурет: Zakon.kz

ҚР Қаржылық мониторинг агенттігі Экономикалық тергеу департаментінің қызметкері ұсталғанын, оның жанында қаруы мен есірткі болған деген ақпаратты жоққа шығарды, деп хабарлайды Zakon.kz.

Әлеуметтік желілер және түрлі БАҚ-та Қарағанды облысы бойынша Экономикалық тергеу департаментінің қызметкері Е.Д.Нұрғазы есімді азаматты полиция ұстағаны, оның жанынан қару табылғаны туралы тараған ақпарат шындыққа сәйкес келмейді. Нұрғазы Е.Д. қаржылық мониторинг органдарының қызметкері емес және қазіргі уақытта мұндай қызметкер бізде жұмыс істемейді, делінген хабарламада.

Айта кетсек, алдында әлеуметтік желіде ер адамды ұстаған, көлігін тексеру кезінде есірткі мен мылтық табылған видео тараған болатын. Ол Экономикалық тергеу департаментінің қызметкері деп айтылады.

Оқи отырыңыз