Жаңалықтар тізбегі
0

Қазақстан құрамасы Turan Barysy Кубогының иегері атанды

Turan Barysy Азия Кубогы, сурет - Zakon.kz жаңалық 30.10.2022 14:46 Сурет: Qazaqstan Barysy қазақша күресін даму және қолдау қоры
Түркістан қаласындағы "Olympic center" спорт сарайында алғаш рет қазақ күресінен "Turan barysy" Азия Кубогы өтті. Алғаш рет ұйымдастырылған күрес сайысында бірінші орын алған командаға 10 миллион теңге көлемінде қаржылай сыйлық тағайындалған, деп хабарлайды Zakon.kz.

Түркістан облысы әкімнің баспасөз қызметінің хабарлауынша, жарысқа Түркі мемлекеттері ұйымының мүшелері – Түркия, Өзбекстан, Әзірбайжан, Қырғызстан, Мажарстан және Қазақстан балуандары қатысып, өзара мықтыларын анықтады. Сайыстың ашылу салтанатында Түркістан облысының әкімі Дархан Сатыбалды қатысушыларды құттықтады.

Дүбірлі сында балуандар екі топқа бөлініп, айналмалы жүйеде күресті. Екі топтан іріктелген Әзірбайжан, Қырғызстан, Өзбекстан, Қазақстан құрама командалары жүлделі орындарға таласты. Әзірбайжан елінің балуандарын қапы қалдырған қырғыз өрендері қола жүлдені иеленді.

Ал тартысқа толы күрес бәсекесінің ақтық айқасы Қазақстан құрамасымен Өзбекстан елінің балуандары арасында өтті. Айтулы доданың ақтық бәсекесінде 4:3 есебімен Қазақстан балуандары жеңіске жетіп, "Turan Barysy" додасының жеңімпазы атанды.

Қазақша күрес, сурет - Zakon.kz жаңалық 30.10.2022 14:46

Сурет: Qazaqstan Barysy қазақша күресін даму және қолдау қоры

Алғаш рет ұйымдастырылған күрес сайысында бірінші орын алған команда 10 000 000 теңге көлемінде қаржылай сыйлық алса, екінші орынға — 6 000 000, үшінші орынға — 4 000 000 теңге қаржылай сыйлық табысталды.

Іс-шара ҚР Мәдениет және спорт министрлігі мен Түркістан облысы әкімдігінің, сондай-ақ, "Qazaq kuresi" ассоциациясы, "Qazaqstan Barysy" қазақ күресін қолдау және дамыту қорының ұйымдастыруымен өтті. Турнирдің бас серіктестері – "Самұрық-Қазына" ҰӘҚ АҚ және "Туризм мен спортты қолдау және дамыту қоры"

Айта кетсек, 29 қазанда Түркістан қаласындағы "Olympic center" спорт сарайында алғаш рет қазақ күресінен "Turan barysy" Азия Кубогы басталған болатын.

Жаңалықтан zakon.kz сайтында хабардар болыңыз:
Бөлісу
Если вы видите данное сообщение, значит возникли проблемы с работой системы комментариев. Возможно у вас отключен JavaScript
Жаңалықтар трендінде болыңыз!
Хабарландыруларды қосыңыз және алдымен расталған жаңалықтарды алыңыз.

Браузерде хабарландыруларды кез келген уақытта өшіруге болады

Біздің хабарландыруға жазылыңыз!
Хабарландыру қосу үшін қоңырау белгісін басыңыз
Беттегі қате туралы хабарлаңыз
Мәтіндегі қате: