Түркістан облысында қарызын қайтарғысы келмеген әйел көршісін жардан итеріп жіберген

Сурет: Zakon.kz

10 қазан күні Түркістан облысындағы Ақсу өзенінен әйел адамның мәйіті табылды. Ол сол маңда тұрған. Zakon.kz сайтына облыс полицейлерінен хабарлағандай, қылмыс жасады деген күдікпен марқұмның көршісі ұсталды.

Тәртіп сақшылары анықтағандай, кісі өлімі қарыздың кесірінен болған.

Полицияның баспасөз қызметінің мәліметінше, күдікті ақшаны қайтарғысы келмегендіктен, көршісін Ақсу өзеніне апарып, оны жардан итеріп жіберген.

Ауыр жарақат алған әйел қылмыс орнында көз жұмды.

Қазіргі уақытта департаменттің мәліметінше, күдікті бұл ісіне өкініп, кінәсін мойындады.