Ресейде ішінара мобилизация науқаны аяқталды

Мәлімдеме, сурет - Zakon.kz жаңалық 31.10.2022 21:29

Сурет: видеодан алынды/РФ Қорғаныс министрлігі

Ресей Федерациясының Қорғаныс министрлігі запастағы азаматтарды әскери қызметке шақыратын ішінара мобилизация шеңберіндегі барлық іс-шаралар тоқтатылғанын мәлімдеді, деп хабарлайды Zakon.kz.

РИА Новости мәліметінше, осы мақсатта пайдаланылған кісі жинау пункттері өздерінің қалыпты жұмыстарына оралады.

Запастағы азаматтарды әскерге шақыру бойынша жұмыс істеген әскери комиссариаттардың жеке құрамы бұрынғы қызметіне оралатыны да айтылады.

РФ президенті Владимир Путин 21 қыркүйекте ішінара мобилизация науқанын жариялады. РФ Қорғаныс министрі Сергей Шойгудың айтуынша, бұл шара Украинадан босатылған территорияларды бақылау үшін қажет.

РФ Қарулы Күштері запастағы 300 мың азаматты әскер қатарына шақыруды жоспарлаған болатын.

Оқи отырыңыз