Жан Кособуцкий қарсыласын нокаутқа түсіріп, кәсіби рингтегі 19-шы жеңісін тіркеді

Аса ауыр салмақтағы WBC International чемпионы, сурет - Zakon.kz жаңалық 06.11.2022 09:03

Сурет: Instagram/kossobutskiy

Қазақстандық боксшы Жан Кособуцкий (19-0, 17 КО) Германия өкілі Хусейн Мұхаммедпен (17-1, 14 КО) титулдық жекпе-жек өткізді. Ауыр салмақтағы жекпе-жекте қостанайлық боксшы қарсыласын нокаутқа жіберіп, жеңіске жетті, деп хабарлайды Zakon.kz.

Қос боксшы да өз кәсіби мансабында еш жеңіліп көрмеген. Тартысты болады деп күтілген бокс кеші Германияда өтті.

Көрермендер жан берісіп, жан алысқан айшықты жекпе-жектің куәсі болды, бірақ ол көпке созылмады. Жан Кособуцкийдің орындауындағы төрт нокдаун мен бір нокаут шешуші рөл атқарды.

Төреші неміс боксшысының жағдайына байланысты жекпе-жекті кілт тоқтатуға мәжбүр болды.

10 раундқа жоспарланған жекпе-жек осылайша үшінші раундта мерзімінен бұрын аяқталды. Қостанайлық боксшы Жан Кособуцкий кәсіби мансабындағы 19-шы жеңісін иеленіп, ауыр салмақта WBC International чемпионы атағын қорғап қалды.

Оқи отырыңыз