Жаңалықтар тізбегі
0

Енді Қазақстан азаматтығын беру кезінде мемлекеттік тілді білуі ескерілетін болады

ҚР премьер-министрі, депутаттық сауал, мемлекеттік тіл, Қазақстан азаматтығы, сурет - Zakon.kz жаңалық 08.11.2022 13:18 Сурет: Zakon.kz
Қазақстан үкіметі ел азаматтығын беру кезінде мемлекеттік тілді білу ескерілетіні көзделген заң жобасы бойынша үкімет қорытындысының жобасын әзірледі, деп хабарлайды Zakon.kz.

Бұл жөнінде премьер-министр Әлихан Смайылов мәжілісмендер тарапынан Ресей азаматтарының ағылып кетуіне байланысты жолданған депутаттық сауалға берген жауабында мәлім етті.

Премьер-министр қалыптасқан жағдайды реттеу мақсатында Үкімет көші-қон мәселелері бойынша төрт кеңес өткізгенін, сондай-ақ премьер-министрдің бірінші орынбасары Р. Склярдың төрағалығымен Халықтың көші-қоны саласындағы мәселелерді үйлестіру жөніндегі штаб құрылғанын атап өтті. Оның сөзінше, ұлттық нарықты қорғау, мемлекеттік шекарада және шекара маңы өңірлерінде бақылауды күшейту, көші-қон заңнамасын сақтау жөніндегі шараларды, сондай-ақ келушілерді уақытша қоныстандыруға және бейімдеуге жәрдемдесуге бағытталған шараларды көздейтін көші-қонның өсуіне байланысты тәуекелдерді басқару жөніндегі іс-қимыл жоспары әзірленді.

Үкімет ұсынған мәлімет бойынша, осы жылғы қазан айында алдыңғы аймен салыстырғанда ресейліктер 65%-ға аз келген және күн сайынғы теріс сальдо орташа есеппен 1,6 мың адам болды.

Бұл ретте Әлихан Смайылов мигранттарға азаматтық беру кезінде мемлекеттік тілді білуі ескерілетінін айтты.

Қазіргі уақытта "Қазақстан Республикасының азаматтығы туралы" Заңға мемлекеттік тілді, тарих пен ұлттық заңнаманың негіздерін білмеуді азаматтыққа қабылдаудан және қалпына келтіруден бас тарту үшін қосымша негіз ретінде көздейтін, сондай-ақ қос азаматтығы фактілерінің алдын алуға бағытталған түзетулер әзірленді.Әлихан Смайылов

Үкімет басшысы елімізде мемлекеттік тілді, қазақ халқының дәстүрі мен мәдениетін үйренгісі келетіндер үшін 40 Достық үйінде жұмыс істейтін 174 жексенбілік мектепте мемлекеттік тілді тегін үйренуге жағдай жасалғанын, онда мемлекеттік тілді үйренумен қатар, қазақ мәдениеті мен әдет-ғұрпымен таныстыру ісшаралары өткізілетінін атап өтті.

Жаңалықтан zakon.kz сайтында хабардар болыңыз:
Бөлісу
Если вы видите данное сообщение, значит возникли проблемы с работой системы комментариев. Возможно у вас отключен JavaScript
Жаңалықтар трендінде болыңыз!
Хабарландыруларды қосыңыз және алдымен расталған жаңалықтарды алыңыз.

Браузерде хабарландыруларды кез келген уақытта өшіруге болады

Біздің хабарландыруға жазылыңыз!
Хабарландыру қосу үшін қоңырау белгісін басыңыз
Беттегі қате туралы хабарлаңыз
Мәтіндегі қате: