Атырауда жарықсыз қалған ықшам аудандарда электр қуаты қалпына келтірілді
Сурет: Zakon.kz
Атырау қалалық білім бөлімінің мәліметінше, № 35 балабақша мен Боран Нысанбаев атындағы мектеп, Геолог ықшам ауданындағы № 36 мектептің оқушылары ертең, 15 қарашада сабақты онлайн өтеді. Электр берілгеннен кейін аталған оқу ұйымдарының екінші ауысымындағы оқушылары сабақтарын штаттық режимде жалғастырады. № 35 балабақша ертең жұмыс істемейді.
13-14 қарашаға қараған түні Атырау қаласында Бірлік ықшам ауданындағы № 18 электр қосалқы станциясында өрт шықты. Салдарынан қаланың бірнеше ықшам ауданды жарықсыз қалды, кейбір білім беру мекемелері білім берудің онлайн форматына көшті.
Қазіргі уақытта апаттың көзі жойылды. Жағдайды аймақ басшысы жеке бақылауына алған.
8 қарашада Қасым-Жомарт Тоқаев Атырау облысының жұртшылығымен кездесуінде өңірдегі электр энергиясы, сондай-ақ сумен байланысты проблемаларды шешуді тапсырған болатын.
