Жаркент қаласының 100 жастағы тұрғыны сайлауға алғашқылардың бірі болып дауыс берді

100 жастағы әже дауыс берді, сурет - Zakon.kz жаңалық 20.11.2022 11:24

Сурет: Жетісу облысы әкімінің баспасөз қызметі

Жетісу өңірінде алғашқылардың бірі болып No739 сайлау учаскесіне келген 100 жастағы Жаркент қаласының тұрғыны Зейнелхан Оспанова дауыс берді, деп хабарлайды Zakon.kz.

12 баланың анасы, «Алтын алқа» төсбелгісі иегері саналы жастан ел игілігі жолындағы барлық маңызды саяси шараларға белсене араласып келе жатқанын айтады, деп хабарлайды облыс әкімдігінің баспасөз қызметі. Жетісу әкімі хабарлады.

«Біз Жаңа Қазақстанды құрып жатырмыз дейді. Оны құруға Үкімет қана емес, әрқайсымыз атсалысуға тиіспіз. Сондықтан әр адамның дауысы маңызды. Балаларымыз аман, жұртымыз аман, Қазақстанымыз көркейе берсін», - деді сайлау учаскесіне алғашқылардың бірі болып келгендіктен естелік сыйлықты дәстүрлі түрде табыс еткен Зейнелхан апа.

Жалпы, Панфилов ауданында 74 сайлау учаскесі болса, облыста 85 мыңға жуық сайлаушы бар.

Оқи отырыңыз