Қазақстан ауылдарындағы медицина мекемелерінің жартысынан көбі тозған

медпункт, медицина, поликлиника Сурет: Zakon.kz
Қазақстанның ауылдарындағы 400 медицина мекемесі жалдамалы, апатты, бейімделген ғимараттарда орналасқан. Бұл туралы үкімет отырысында Денсаулық сақтау министрі Ажар Ғиният айтты, деп хабарлайды Zakon.kz.

Ол мемлекет басшысының тапсырмасы бойынша Денсаулық сақтау министрлігі ауылдардағы барлық медицина мекемелеріне түгендеу жүргізгенін атап өтті.

"200 елді мекенде медицина мекемесі жоқ, 400-ге жуық медицина мекемесі жалдамалы, апатты, бейімделген ғимараттарда орналасқан. Ауылдардағы алғашқы медициналық-cанитарлық көмек инфрақұрылымының 50%-дан астамы тозған".ҚР Денсаулық сақтау министрі Ажар Ғиният

Денсаулық сақтау министрі Қасым-Жомарт Тоқаевтың сайлауалды бағдарламасында ауылдарда кәсіби мамандармен және заманауи құрал-жабдықтармен қамтамасыз етілген 700 жаңа медицина мекемесін ашу көзделгенін айтты.

Сонымен қатар республикалық жоба аясында 655 АМСК нысандары мен ұйымдарын, 32 көпсалалы орталық аудандық ауруханаларды салу жоспарланып отыр.

"Жоба үш міндетті қамтиды. Оның бірі - барлық ауылдық елді мекендерді медицина инфрақұрылымымен қамтамасыз ету. Бұл ауылдық жерлерде медицина қызметтерінің қолжетімділігі мен сапасын арттырады, оның ішінде профилактикалық тексерулер, скринингтік тексерулер, ауруларды ерте анықтау және медициналық көмек көрсету мүмкіндігін арттырады. Пациентке бағытталған жаңа тәсілдер – қашықтан қызмет көрсету, созылмалы науқастарды жақсарту, сауықтыру және медициналық оңалту, оның ішінде үйде енгізу".Ажар Ғиният

Министрдің айтуынша, екінші міндет – заманауи медицина жабдықтарымен жабдықталған заманауи көпсалалы орталық ауданаралық ауруханалар желісін салу. Бұл ауыл тұрғындарына жедел және мамандандырылған медицина көмегін уақытылы беруді арттырады.

Үшінші міндет – ауылдық денсаулық сақтау мекемелерін медицина кадрларымен қамтамасыз ету.

Бұған дейін Ажар Ғиният ауыл тұрғындарының тыныс алу және ас қорыту мүшелері ауруларына бейім екенін айтқан еді.

Жаңалықтан zakon.kz сайтында хабардар болыңыз:
Бөлісу
0
Толық оқу
Басты Топ LIVE Бәрі
Жаңалықтар трендінде болыңыз!
Хабарландыруларды қосыңыз және алдымен расталған жаңалықтарды алыңыз.

Браузерде хабарландыруларды кез келген уақытта өшіруге болады

Біздің хабарландыруға жазылыңыз!
Хабарландыру қосу үшін қоңырау белгісін басыңыз