Министрлік құрылыс компаниялары үшін мемлекеттік сатып алуға шектеу қою туралы айтты

БАҚ өкілдері вице министрден мемлекеттік сатып алуда құрылыс компанияларына шектеу қою қаншалықты дұрыс екенін сұрады.

"Бұл – дұрыс нәрсе. Мемлекет басшысының тапсырмасы бойынша құрылыс саласын, оның ішінде мемлекеттік сатып алуды реформалау бойынша біз Қаржы министрлігімен бірлесіп ұсыныстар әзірледік. Шынымен де шектеу болуы керек, өйткені компания өз міндеттемесін мүмкіндігінше қаржылай, техникалық, еңбек ресурстарына қарай орындай алады. ".ҚР Индустрия және инфрақұрылымдық даму вице-министрі Еркебұлан Дауылбаев

Вице-министр компания шамасына қарамай көп көлемде ұтып алып, соның салдарынан сапа жоғалып, нысанның құрылысы аяқталмай қалатын жағдайлар да бар екенін атап өтті.

Оның айтуынша, сонымен қатар Қаржы министрлігі жергілікті компанияларды қосымша ынталандыру шарасын енгізуді ұсынып отыр: жергілікті компания мен басқа аймақтың компаниясы бірдей байқауға қатысқан кезде біріншісіне артықшылық беру керек.

25 қарашада сенатор Серік Шайдаров құрылыс компаниялары үшін мемлекеттік сатып алуларға шектеу қоюды ұсынды.

Оқи отырыңыз

Respublica партиясынан Мәжіліске кімдер депутат болады

23:00, 27 наурыз 2023

Президент сегізінші сайланған парламенттің бірінші сессиясын шақырды

17:06, 27 наурыз 2023

ЖСДП оппозициялық партиясы алғаш рет Парламентке өтті

20:10, 20 наурыз 2023