Еліміздің 7 өңірінде бірқатар жол учаскелері жабылды

Қолайсыз ауа райы, сурет - Zakon.kz жаңалық 28.11.2022 19:26

Сурет: pixabay

ШҚО, Абай, Павлодар, Ақмола, Түркістан, Жамбыл және Қарағанды облыстарындағы тас жолдардың кейбір учаскелерінде көлік қозғалысы шектелді, деп хабарлайды Zakon.kz.

"ҚазАвтоЖол" ҰК" АҚ баспасөз қызметінің хабарлауынша, Шығыс Қазақстан, Абай және Павлодар облыстарында ауа температурасының күрт төмендеуіне байланысты барлық республикалық маңыздағы тас жолдарда жүк және қоғамдық автокөліктерге, сондай-ақ дизельді отынмен жүретін көліктердің қозғалысы шектелді.

Одан бөлек тағы мына тас жолдар жабылды:

Жетісу облысында "Алматы-Өскемен" тас жолында Үшарал қаласынан Абай облысының шекарасына дейін жол учаскесі;

Қарағанды облысында:

1. "Қызылорда-Павлодар" тас жолының Қарағанды қаласынан Павлодар облысының шекарасына дейінгі жол учаскесі;

2. "Қалқаман-Баянауыл-Үмткер-Керней-Ботақара" тас жолының Ботақара ауылынан Павлодар облысының шекарасына дейін;

3. "Қарағанды-Аягөз–Бұғаз" тас жолының Бүркітті ауылынан Абай облысына дейін.

Ақмола облысында "Астана-Ерейментау-Шідерті" тас жолында Астана қаласынан Павлодар облысының шекарасына дейін жол учаскесі жабық.

Сондай-ақ, Түркістан облысында ауа райының нашарлауына байланысты (жаңбыр, температураның күрт төмендеуі, көктайғақ) "Алматы-Ташкент-Термез" тас жолының Жамбыл облысының шекарасынан Жанкеш ауылына дейінгі аралығы жабық.

Оқи отырыңыз