Жаңалықтар тізбегі
0

Әлихан Смайылов Екібастұздағы ТЖ жайлы: Кінәлі адамдар жауапқа тартылады

Жұмыс сапары, сурет - Zakon.kz жаңалық 30.11.2022 23:42 Сурет: primeminister.kz
30 қарашада кешке ҚР Премьер-министрі Әлихан Смайылов жұмыс сапарымен бірнеше күн бұрын жылу беру жүйесінде апат орын алған Екібастұз қаласына барды, деп хабарлайды Zakon.kz.

Қалалық ЖЭО-дағы ахуалмен, сондай-ақ Павлодар облысы әкімінің міндетін атқарушы Әлихан Сқақов пен "Павлодарэнерго" АҚ бас директорының міндетін атқарушы Вадим Лесиннің баяндамаларымен танысқан Премьер-министр төтенше жағдайдың алғашқы күнінен бастап арнайы жедел штаб құрылғанын және апаттың салдарын жою үшін барлық қажетті мамандар тартылғанын атап өтті.

"Жағдай дереу бақылауға алынды. Алғашқы күндері апатты жерлерді анықтауда қиындықтар болды, бірақ қазіргі уақытта жөндеу жұмыстары аяқталуға жақын. Бүгін-ертең барлық тұрғын үйлерге жылу беру жұмыстары аяқталады деп отырмыз", — деді Әлихан Смайылов. 

Екібастұздағы төтенше жағдай, сурет - Zakon.kz жаңалық 30.11.2022 23:42

Сурет: primeminister.kz

Үкімет басшысының айтуынша, жылу желілерінің әбден тозуы, жаңғырту үшін инвестициялардың жетіспеуі, сондай-ақ жылу орталығы басшылығының салғырттығы осындай жағдайға алып келген. Алдын ала мәліметтерге сәйкес, жылумен жабдықтау желісіне жоғары қысым беріліп, оның кесірінен 15 жерде бір уақытта құбырлар зақымданған.

Премьер-министр қазіргі уақытта тиісті тергеу жүргізіліп жатқанын, оның нәтижелері бойынша барлық кінәлі тұлғалар жауапқа тартылатынын айтты.

Екібастұздағы төтенше жағдай, сурет - Zakon.kz жаңалық 30.11.2022 23:42

Сурет: primeminister.kz

Бұдан басқа, ЖЭО тұрақтылығын қамтамасыз етіп, оны жаңғыртуға және қалалық жылу желілерін жаңартуға инвестициялар салу бойынша жұмыс жүргізілетін болады.

"ЖЭО немесе жылу желілерінде оқыс жағдайлар орын алған Өскемен, Рудный, Риддер және басқа қалалардың тұрғындарын жылумен қамтамасыз ету мәселелері де бақылауда", — деді Әлихан Смайылов. 

Жұмыс сапары аясында Премьер-министр қалпына келтіру жұмыстарының барысымен танысты және жылусыз қалған үйлердің бірінің тұрғындарымен сөйлесті.

Әлеуметтік нысандар, сурет - Zakon.kz жаңалық 30.11.2022 23:42

Сурет: primeminister.kz

Қорытындылай келе, Үкімет басшысы әкімдікке халықпен тұрақты кері байланыс орнатып, әлеуметтік желілер мен "жедел желі" арқылы түсетін қала тұрғындарының барлық сұраныстарына жедел жауап беру қажет екенін айтты.

Жаңалықтан zakon.kz сайтында хабардар болыңыз:
Бөлісу
Если вы видите данное сообщение, значит возникли проблемы с работой системы комментариев. Возможно у вас отключен JavaScript
Жаңалықтар трендінде болыңыз!
Хабарландыруларды қосыңыз және алдымен расталған жаңалықтарды алыңыз.

Браузерде хабарландыруларды кез келген уақытта өшіруге болады

Біздің хабарландыруға жазылыңыз!
Хабарландыру қосу үшін қоңырау белгісін басыңыз
Беттегі қате туралы хабарлаңыз
Мәтіндегі қате: