Ғабидулла Оспанқұлов Президент әкімшілігінің мемлекеттік бақылау бөлімінің меңгерушісі болды

Ернар Жеңісұлы Баспаев Қазақстан Республикасы Президентінің Әкімшілігі Басшысының орынбасары, сурет - Zakon.kz жаңалық 09.12.2022 09:26

Сурет: primeminister.kz

9 желтоқсан ҚР перзидентінің өкімімен Ғабидулла Абдуллаұлы Оспанқұлов Қазақстан Республикасы президентінің әкімшілігі мемлекеттік бақылау және аумақтық-ұйымдастыру жұмысы бөлімінің меңгерушісі болып тағайындалды, деп хабарлайды Zakon.kz.

"Мемлекет басшысының өкімімен Ғабидулла Абдуллаұлы Оспанқұлов Қазақстан Республикасы президентінің әкімшілігі мемлекеттік бақылау және аумақтық-ұйымдастыру жұмысы бөлімінің меңгерушісі лауазымына тағайындалды," – Ақорданың ресми сайтында жарияланған жарлықта.

Ғабидулла Оспанқұлов 1981 жылы Оңтүстік Қазақстан облысында дүниеге келген.

Білімі:

Қазақ гуманитарлық-заң университетін, Қазақстан-Ресей университетін, "Болашақ" бағдарламасы бойынша Бирмингем университетін (Ұлыбритания) тәмамдаған.

Еңбек өтілі:

Түрлі жылдары ҚР парламентінде, Президент әкімшілігінде, Екібастұз қаласының әкімдігінде, ҚР Білім және ғылым министрлігінде жұмыс істеген.

2013 жылдан 2017 жыл аралығында Жастар ісі комитетін басқарды, ҚР БҒМ Жастар саясаты департаментінің директоры болды, ҚР Дін істері және азаматтық қоғам министрлігінде жұмыс істеді;
2017 жылдың қазан айынан 2019 жылдың тамыз айы аралығында Батыс Қазақстан облысы әкімінің орынбасары қызметінде болды;
2019 жылдың тамыз айынан желтоқсан айы аралығында — Nur Otan партиясының хатшысы;
2019 жылғы желтоқсаннан бастап ҚР ақпарат және қоғамдық даму вице-министрі қызметін атқарды;
2021 жылдан бері Қазақстан Республикасы Президенті әкімшілігінің мемлекеттік инспекторы.

Оқи отырыңыз