Жаңалықтар тізбегі
0

Жеңіс Қасымбек астаналықтарға үндеу жолдады

Әлеуметтік желі, сурет - Zakon.kz жаңалық 09.12.2022 18:53 Сурет: Zakon.kz/Максим Золотухин
Астана қаласының жаңа әкімі Жеңіс Қасымбек астаналықтарға үндеу жолдады, деп хабарлайды Zakon.kz.

Жаңа әкім Instagram-ында астаналықтармен жұмыс істеу өзі үшін үлкен мәртебе әрі үлкен жауапкершілік екендігі туралы жазды.

"Елордамызды ары қарай бірлесе дамытатын боламыз. Астана – қашанда өзіне еріксіз баурап алатын, тартымды қала болып келеді. Сол сияқты Астананың өзіне тән сұлулығы мен өзіндік ерекше энергиясы бар. Қаламызды одан әрі жайлы да қолайлы ету үшін жұдырықтай жұмылып еңбек етеміз". Астана қаласының әкімі Жеңіс Қасымбек

Әкімнің айтуынша, қазіргі уақытта дүние жүзіндегі мегаполистердің алдында жаңа жаһандық сын-қатерлер мен міндеттер тұр. Астана да солардың қатарында. Экономикалық көрсеткіштер, кәсіпкерлікті дамыту, инфрақұрылым, қолжетімді әлеуметтік қызметтер – өз жұмысымызда қала өмірі үшін маңызы зор барлық саланы қамтимыз.

Қала тұрғындарының жайлы өмір сүруі үшін қолжетімді әлеуметтік тұрғын үйлер, мектептер, балабақшалар, медициналық нысандар және т.б. салуды әрі қарай да жалғастырамыз. Қала тұрғындарының саны, құрылыс көлемі жыл сайын өсіп келе жатқанын ескеріп, жылу, су және электрмен жабдықтау нысандарының қуатын ұлғайту бойынша жұмыс істейтін боламыз. Астана қаласының әкімі Жеңіс Қасымбек

Әлеуметтік желі – тиімді байланыс құралы. Біз үшін сіздердің пікірлеріңіз маңызды. Елордамызды ары қарай дамыту бойынша сіздерден ұсыныстар мен идеялар күтеміз.

2022 жылы 8 желтоқсанда Мемлекет басшысы Қасым-Жомарт Тоқаев Жеңіс Қасымбекті Астана қаласының әкімі етіп тағайындады.

Жаңалықтан zakon.kz сайтында хабардар болыңыз:
Бөлісу
Если вы видите данное сообщение, значит возникли проблемы с работой системы комментариев. Возможно у вас отключен JavaScript
Жаңалықтар трендінде болыңыз!
Хабарландыруларды қосыңыз және алдымен расталған жаңалықтарды алыңыз.

Браузерде хабарландыруларды кез келген уақытта өшіруге болады

Біздің хабарландыруға жазылыңыз!
Хабарландыру қосу үшін қоңырау белгісін басыңыз
Беттегі қате туралы хабарлаңыз
Мәтіндегі қате: