Қазақстан мектептерінде қаржы сауатын оқыту жоспарланып отыр

Қаржы сауатын мектепте оқытпақ Сурет: Zakon.kz
Мәжілісмендер қаржы сауатын оқытуды мектептен бастауды ұсынса, Қаржы министрі Ерұлан Жамаубаев ұсынысты қолдап, бұл мәселені білім министрліктерінің басшыларымен бірлесіп шешуге уәде берді, деп хабарлайды Zakon.kz

Палатаның жалпы отырысында жеке тұлғалардың банкроттығы туралы заң жобасын талқылау барысында қаржы сауаты мәселесін парламент мәжілісінің депутаты Бауыржан Сартбаев көтерді.

"Қаржы сауатын мектептен бастап оқыту керек. Оқу-ағарту министрлігі осы мәселені пысықтап, мектеп бағдарламасына қаржы сауатын енгізу мүмкіндігін қарастыруы керек. Өйткені адам несиесін өтей алмайтын жағдайға жеткенде және банкротқа ұшыраса, оған ақшаны дұрыс пайдалануды үйрету тым кеш болады".Парламент мәжілісінің депутаты Бауыржан Сартбаев

Қаржы министрі Ерұлан Жамаубаев депутаттың ұсынысын қолдады.

"Қаржы сауаты біздің қоғам алдында тұрған үлкен мәселе деп есептеймін. Қаржылай сауатсыз болудың кесірінен көбі қиын жағдайға тап болады. Мен қолдаймын және бұл мәселені екі министрмен (ағарту және ғылым және жоғары білім. - ред) көтеруге дайынмын".Қаржы министрі Ерұлан Жамаубаев

Парламент мәжілісі «Жеке тұлғалардың банкроттығы туралы» заң жобасын және оған қатысты түзетулерді бірінші оқылымда мақұлдады.

Қаржы министрлігінің мәліметі бойынша, 2022 жылғы 1 қазандағы жағдай бойынша 7,8 миллион адамның екінші деңгейлі банктерге, микроқаржы ұйымдарына және коллекторлық агенттіктерге 14,3 трлн теңгеден астам қарызы бар.






Жаңалықтан zakon.kz сайтында хабардар болыңыз:
Бөлісу
0
Толық оқу
Басты Топ LIVE Бәрі
Жаңалықтар трендінде болыңыз!
Хабарландыруларды қосыңыз және алдымен расталған жаңалықтарды алыңыз.

Браузерде хабарландыруларды кез келген уақытта өшіруге болады

Біздің хабарландыруға жазылыңыз!
Хабарландыру қосу үшін қоңырау белгісін басыңыз