Жұмысқа орналаспақ болған Түркістан тұрғыны ақшасынан айырылды

Алаяқ ұсталды, адамдардың ақшасын тартып алған Сурет: ҚР ІІМ
Түркістан полицейлері Атырау қаласына жұмысқа орналастырамын деп алаяқтық жасаған ер адамды анықтады, деп хабарлайды Zakon.kz.

Polisia.kz таратқан ақпаратқа сай, Түркістан қалалық Полиция басқармасына жергілікті тұрғын арызданды. Жәбірленуші ер адамның айтуынша, интернет арқылы өзі жақсы танымайтын адам сеніміне кіріп, Атырау қаласына жұмысқа орналастырып беремін деп алаяқтық жолмен 100 мың теңге ақшасын алған.

Алайда ақшаны иемденген алаяқ уәдесін орындамай, не ақшасын қайтармай жәбірленушіні әбігерге салған.

Содан кейін жәбірленуші алаяқтың құрбаны болғанын түсініп, полициядан көмек сұрайды.


Аталған жайт ҚР ҚК-нің 190-бабы (Алаяқтық) бойынша тіркеліп, полицейлер жедел-іздестіру жұмыстарын жүргізді. Нәтижесінде күдікті ретінде Қызылорда облысының жұмыссыз тұрғыны, ер адам анықталды.

Белгілі болғандай, сезікті пайдакүнемдік ниетпен алынған ақшаны өз қажеттілігіне жұмсап жіберген.

Қазіргі таңда тергеу амалдары жүргізіліп жатыр.


Жаңалықтан zakon.kz сайтында хабардар болыңыз:
Бөлісу
0
Толық оқу
Басты Топ LIVE Бәрі
Жаңалықтар трендінде болыңыз!
Хабарландыруларды қосыңыз және алдымен расталған жаңалықтарды алыңыз.

Браузерде хабарландыруларды кез келген уақытта өшіруге болады

Біздің хабарландыруға жазылыңыз!
Хабарландыру қосу үшін қоңырау белгісін басыңыз