Ақтөбе облысында шахтада жұмысшы қаза тапты

Ақтөбе облысы, электрик, кен орны, шахта, эксковатор Сурет: pxhere
48 жастағы электр маманы Ақтөбе облысындағы "Юбилейное" кен орнындағы шахтада қайтыс болды, деп хабарлайды Zakon.kz.

Жұмысшыны жүк таситын техника басып кеткен, деп мәлімдеді КТК арнасының тілшісі.

Еңбек инспекторларының сөзінше, электр маманы шахтадағы желдеткіш жанында кабель жөндеп жатқан. Жүк көлігінің келіп қалғанын аңғармаса керек. Ал ауыр техниканың жүргізуші де жолындағы адамды байқамағанын айтқан.

Мән-жайды анықтау үшін арнайы комиссия құрылды.

"48 жаста, инженер болып істейді екен, электрик. Жөндеу жүргізіп жатқанда осындай жағдай болып отыр. Жүк көлігі басып кеткен. Тергеп-тексеру жан-жақты жүріп жатыр.Ақтөбе облысы еңбек инспекциясы басшысының орынбасары Талғат Есқарин

Қайғылы оқиға болған шахта АltynEx Company кәсіпорнына қарайды. Қазір Мұғалжар ауданындағы кен орнында тексеру жүріп жатыр.

Жыл басынан бері Ақтөбе облысындағы өндіріс орындарында 68 оқыс оқиға болып, 13 жұмысшы қаза тапқан.

Жаңалықтан zakon.kz сайтында хабардар болыңыз:
Бөлісу
0
Толық оқу
Басты Топ LIVE Бәрі
Жаңалықтар трендінде болыңыз!
Хабарландыруларды қосыңыз және алдымен расталған жаңалықтарды алыңыз.

Браузерде хабарландыруларды кез келген уақытта өшіруге болады

Біздің хабарландыруға жазылыңыз!
Хабарландыру қосу үшін қоңырау белгісін басыңыз