Жеңілдікті автонесие қаңтар айында іске қосылады деп жоспарланып отыр

автонесие қаңтарда басталады Сурет: freepik
Қазір банктер бұрыннан бар автокөлік несиелерін өтеуден түсетін төлемдерді жинақтап жатыр. 2023 жылдың қаңтар айының екінші жартысында револьверлік механизм негізінде жеңілдікті несиелер беруді бастау жоспарланып отыр, деп хабарлайды Zakon.kz.

Сонымен қатар 2023 жылдан бастап жеңілдетілген автонесие бойынша барлық қолданыстағы бағдарламалардың шарттары бірыңғайланады деп жоспарланып отыр. Бұл туралы Қазақстанның Даму банкінің баспасөз қызметі хабарлады. Азаматтарға ыңғайлы болу, тең жағдайларды қамтамасыз ету және халықты көбірек қамту үшін екі қолданыстағы бағдарламаның оңтайлы нұсқалары пайдаланылады.

Бұл тәсіл қазақстандықтарға біркелкі және ашық ережелерге сәйкес отандық өндірістің жаңа көліктерін сатып алуға көбірек қаражат ұсынады.

Орталықтандырылған бақылауды қамтамасыз ету мақсатында алдағы уақытта Қазақстанның Даму банкі ұсынған бағдарлама бойынша қаражаттың бір операторын қалдыру жоспарда.

"Іске қосу күніне екі бағдарлама бойынша жинақталған қаражат көлемі - шамамен 13 млрд теңге. Бұл кемінде 1300 жаңа автонесие беруге мүмкіндік береді. Алдағы уақытта револьверлік әдіспен жинақталған қаражатты ай сайын бөлу жоспарланып отыр".ҚДБ баспасөз қызметі


Жаңалықтан zakon.kz сайтында хабардар болыңыз:
Бөлісу
0
Толық оқу
Басты Топ LIVE Бәрі
Жаңалықтар трендінде болыңыз!
Хабарландыруларды қосыңыз және алдымен расталған жаңалықтарды алыңыз.

Браузерде хабарландыруларды кез келген уақытта өшіруге болады

Біздің хабарландыруға жазылыңыз!
Хабарландыру қосу үшін қоңырау белгісін басыңыз