2023 жылдан бастап қызметкерлердің жалақысынан төленетін бірыңғай төлемді кімдер төлейді

Бірыңғай төлем, ҚР ҚМ МКК Сурет: Zakon.kz/Павел Михеев
Келесі жылдан бастап қызметкерлердің жалақысынан төленетін бірыңғай төлем енгізіледі. Ол не үшін қажет және кімдер төлейтінін, ҚР Қаржы министрлігінің мемлекеттік кірістер комитетінің мамандары түсіндіріп берді, деп хабарлайды Zakon.kz.

Аталған төлем жеке табыс салығы мен әлеуметтік төлемдерді есептеу мен төлеуді жеңілдетеді. Бұл туралы ҚР ҚМ Мемлекеттік кірістер комитетінде хабарлады. 

2023 жылғы 1 қаңтардан бастап арнайы салық режимдерін қолданатын микро және шағын кәсіпкерлік субъектілері саналатын салық төлеушілер үшін Бірыңғай төлем енгізіледі:

  • оңайлатылған декларация негізінде;
  • ауыл шаруашылығы өнімін өндірушілер мен ауыл шаруашылығы кооперативтері үшін;
  • шаруа немесе фермер қожалықтары үшін.

Комитет өкілдерінің сөзінше, жалақыдан бірыңғай төлем қызметкерлердің табысынан жеке табыс салығы және әлеуметтік төлемдерді ұстап қалу және аудару жөніндегі міндеттемелерді орындауды оңайлату мақсатында  енгізіледі.

Бірыңғай төлемге: қызметкерлердің табысынан жеке табыс салығы, міндетті зейнетақы жарналары, жұмыс берушілердің міндетті зейнетақы жарналары, әлеуметтік аударымдар, міндетті әлеуметтік медициналық сақтандыруға жарналар мен аударымдар енгізіледі.

2023 жылы Бірыңғай төлем мөлшерлемесі еңбекақы төлеу қорының 20%-ына   (оның ішінде жеке табыс салығының үлесі -9%) тең болады.

 Мөлшерлемені кезең кезеңімен ұлғайту көзделген: 2024ж. - 21,5%, 2025ж. – 23,8%, 2026ж. – 24,8%, 2027ж. – 25,8% және 2028ж. – 26,3%.

Бірыңғай төлемді есептеу кезінде әлеуметтік төлемдер бойынша белгіленген жеңілдіктер ескеріледі.

Бірыңғай төлем "Азаматтарға арналған үкімет" мемлекеттік корпорациясының шотына бір төлеммен аударылады, ол төлемдерді белгіленген тәртіпке сәйкес бөледі және бірыңғай төлем төлеушілердің есебін жүргізеді.

Бірыңғай төлемнің есептелген сомасы қолданылатын салық салу режиміне байланысты 200.00, 910.00 және 920.00 нысанды декларацияларда көрсетіледі.

Жаңалықтан zakon.kz сайтында хабардар болыңыз:
Бөлісу
0
Толық оқу
Басты Топ LIVE Бәрі
Жаңалықтар трендінде болыңыз!
Хабарландыруларды қосыңыз және алдымен расталған жаңалықтарды алыңыз.

Браузерде хабарландыруларды кез келген уақытта өшіруге болады

Біздің хабарландыруға жазылыңыз!
Хабарландыру қосу үшін қоңырау белгісін басыңыз