Қос азаматтық үшін Ресей азаматы елден шығарылды

Қос азаматтық үшін Ресей азаматы елден шығарылды Сурет: Zakon.kz
Астананың әкімшілік құқық бұзушылықтар жөніндегі мамандандырылған ауданаралық соты РФ азаматы Т.-ға қатысты ҚР азаматтығы туралы заңнамасын бұзғаны үшін әкімшілік құқық бұзушылық туралы істі қарады, деп хабарлайды Zakon.kz.

Астана сотының 2023 жылғы 13 қаңтардағы хабарына қарағанда, Т. 2020 жылғы тамызда ҚР азаматты бола отырып, Ресей Федерациясының азаматтығын алған, бірақ 30 күнтізбелік күн ішінде ҚР Ішкі істер органдарына немесе шетелдегі мекемелеріне шетелдік азаматтығын алу фактісі туралы хабарламаған және ҚР паспортын және (немесе) жеке куәлігін тапсырмаған.

Сотта Т. кінәсін мойындап, заңның талаптарын білмеуіне байланысты бұзушылыққа жол бергенін түсіндірді, өйткені Ресей Федерациясының азаматтығын алу үшін ол ҚР азаматтығынан бас тарту туралы өтініш жазған және оны жеткілікті деп есептеген.

Бұл фактіні полицияның желілік бөлімінің қызметкерлері 2023 жылғы қаңтарда Астананың халықаралық әуежайында көліктік бақылаудан өту кезінде анықтады.

"ҚР азаматтығы туралы" заңның 21-бабына сәйкес, азамат басқа мемлекеттің азаматтығын алса, ҚР азаматтығынан айырылады.

Әкімшілік құқық бұзу туралы кодекстің 496-бабының 2-бөлігіне сәйкес, ҚР заңнамасында белгіленген мерзімдерде шетел азаматтығын алу фактісін хабарламау 200 айлық есептік көрсеткіш мөлшерінде айыппұл салынады не ҚР аумағынан шығарылады.

Сот қаулысымен Т. әкімшілік құқық бұзушылық жасағаны үшін кінәлі деп танылды және оған ҚР аумағынан шығарып жіберу түрінде әкімшілік жаза қолданылды.

Сот шешімі шығарылған күннен бастап заңды күшіне енді.

Жаңалықтан zakon.kz сайтында хабардар болыңыз:
Бөлісу
0
Толық оқу
Басты Топ LIVE Бәрі
Жаңалықтар трендінде болыңыз!
Хабарландыруларды қосыңыз және алдымен расталған жаңалықтарды алыңыз.

Браузерде хабарландыруларды кез келген уақытта өшіруге болады

Біздің хабарландыруға жазылыңыз!
Хабарландыру қосу үшін қоңырау белгісін басыңыз