Қазақстандық хоккейшілер Универсиадада қола жүлдеге ие болды

Қысқы универсиада, АҚШ, хоккей, Қазақстан спортшылары Сурет: Спортты дамыту дирекциясының баспасөз қызметі
Қазақстан құрамасы Жапонияны 8-1 есебімен жеңіп, Лейк-Плэсид қаласында өтіп жатқан ХХХІ қысқы Универсиаданың қола жүлдегері атанды, деп хабарлайды Zakon.kz.

Спортты дамыту дирекциясының баспасөз қызметінің мәліметінше, бұл – Қазақстан қоржынына түскен оныншы медаль. Оның үшеуі алтын, төртеуі күміс, үшеуі қола.

Есепті 7-минутта отандасымыз Максим Мухаметов ашты. Кейін ол 25, 48-минутта да шайба салып, хет-трик авторы атанды. Сондай-ақ Саян Данияр (23-минут), Әлихан Өмірбеков (26-минут), Батырлан Мұратов (39-минут), Әли Қасенов (43-минут) пен Данил Бутенко (50-минут) қарсылас қақпашысын қапы қалдырды. Жапонияның жалғыз шайбасын Юто Гондаира (40-минут) салды.

Айта кетейік, В тобында ел құрамасы Оңтүстік Кореяны 5-1, Венгрияны 9-1, Ұлыбританияны 15-1, Словакияны 4-0 есебімен жеңіп, АҚШ құрамасына 1-4 есебімен есе жіберген. Ал жартылай финалда Канадаға 1-4 есебімен жол берді.

Жалпы шайбалы хоккейден Қазақстан құрамасы студенттер Олимпиадасына тоғыз мәрте қатысқан. Сонау 1995 жылы Испанияның Хака қаласында чемпион ретінде тұғырға көтерілсе, 1993, 2013, 2015, 2017 жылы күміс, 2007 жылы қола медаль жеңіп алған.

Жаңалықтан zakon.kz сайтында хабардар болыңыз:
Бөлісу
0
Толық оқу
Басты Топ LIVE Бәрі
Жаңалықтар трендінде болыңыз!
Хабарландыруларды қосыңыз және алдымен расталған жаңалықтарды алыңыз.

Браузерде хабарландыруларды кез келген уақытта өшіруге болады

Біздің хабарландыруға жазылыңыз!
Хабарландыру қосу үшін қоңырау белгісін басыңыз