Жаңалықтар тізбегі
0

Иранның стратегиялық нысандарында жарылыс болды

Ирандағы жарылыс, сурет - Zakon.kz жаңалық 29.01.2023 11:18 Cурет: әлеуметтік желілердегі видеоның скрині
29 қаңтарға қараған түні Иранның әскери инфрақұрылым нысандарында бірнеше жарылыс болды, деп хабарлайды Zakon.kz.

ИРНА агенттігі Иранның Шығыс Әзербайжан провинциясында Шахид-Салими қаласында мотор майын өндіретін ірі зауыт өртенгенін жазды.

Tasnim агенттігінің хабарлауынша, Исфаханда оқ-дәрі шығаратын әскери зауытқа дрондармен шабуыл жасалған.

Иран батысында Дизфуль қаласындағы авиабазада да жарылыс болғаны, елдің батысындағы Хамадан және солтүстіктегі Решт қаласында да жарылыс пен өрт болғаны хабарланды.

Тегеранда да жарылыс естілген. Жергілікті тұрғындар үкімет ғимараттарына шабуыл жасалғанын айтқан. Куәгерлер Тегеран әуесіне ұшақтар көтерілгенін айтты.

Әзірше қаза болғандар мен жараланғандар туралы мәлімет жоқ.

Иран қорғаныс министрлігі Исфаханда оқ-дәрі зауытына дронмен шабуыл жасалғанын растаған.

"28 қаңтарда сағат 23:30 шамасында қорғаныс министрлігі орталықтарының біріне дронмен сәтсіз шабуыл жасалды. Біреуін әуе шабуылынан қорғайтын жүйе атып түсірді, екеуі қорғаныс қақпанына түсіп, жарылды", - деп жазылған ведомство хабарламасында.

Иран билігі шабуыл жасаған дрондардың қай елге тиесілі екенін айтпаған.

Шілдеде Иран "Исфахандағы әскери кешенді жармақ болды" деген күдікпен бір топ адамды ұстағанын хабарлаған. Оларға Израиль мүддесіне қызмет етті деген айып тағылған.

Жаңалықтан zakon.kz сайтында хабардар болыңыз:
Бөлісу
Если вы видите данное сообщение, значит возникли проблемы с работой системы комментариев. Возможно у вас отключен JavaScript
Жаңалықтар трендінде болыңыз!
Хабарландыруларды қосыңыз және алдымен расталған жаңалықтарды алыңыз.

Браузерде хабарландыруларды кез келген уақытта өшіруге болады

Біздің хабарландыруға жазылыңыз!
Хабарландыру қосу үшін қоңырау белгісін басыңыз
Беттегі қате туралы хабарлаңыз
Мәтіндегі қате: