Бұл қызметті атқарып келген Марат Ирменов Алматы қаласының ҰҚК департамент басшысы болып ауысты. Бұл туралы өңірлік жедел штабтың кезекті отырысында айтылды.
Н.Қалқаманұлы бұған дейін ҰҚК-нің орталық аппаратында департамент басшысы лауазымын атқарған. Сондай-ақ, ол 2011 – 2016 жылдары ҰҚК Жамбыл облысы бойынша департамент бастығы болып еңбек еткен.
Облыс әкімі Бердібек Сапарбаев жаңа басшыны таныстырып, артылатын сенім мен жүктелген міндет жүгі ауыр екенін баса айтты.
Аймақ басшысы Мемлекет басшысының тапсырмасына сәйкес өңірдегі тұрақтылықты, тұрғындардың қауіпсіздігін, тыныштығын қамтамасыз ету ең басты мәселе екенін жеткізді.