ҚР Сыбайлас жемқорлыққа қарсы іс-қимыл агенттігінің аппарат басшысы Қуаныш Жапаров Қызылорда облысы бойынша департаменттің жаңа басшысы Рустам Ақмырзаевты таныстырды.
Облыс әкімі Гүлшара Әбдіқалықова Рустам Ақмырзаевтың жұмысына табыс тілеп, сыбайлас жемқорлықтың алдын алу жөніндегі шараларға қатысты белсенді әріптестікте жұмыс істеп жатқанын атап өтті.
Рустам Ақмырзаев 1978 жылы Қызылорда облысында дүниеге келген. ҚР Ішкі істер министрлігінің Қарағанды жоғары мектебін "Құқықтану" мамандығы бойынша бітірген.
Еңбек жолын 1999 жылы Салық полициясы органдарындағы жұмыстан бастады.
2001 жылдан 2018 жылға дейін қаржы полициясы және сыбайлас жемқорлыққа қарсы қызмет органдарында әртүрлі лауазымдарда жұмыс істеді.
Атап айтқанда, Ақтөбе, Шығыс Қазақстан және Қарағанды облыстары бойынша сыбайлас жемқорлыққа қарсы қызмет департаменті басшысының орынбасары қызметін атқарды.
2018 жылдан бастап қазіргі уақытқа дейін Батыс Қазақстан облысы бойынша департамент басшысы болып жұмыс істеді.
