Қазақстан Республикасы президентінің әкімшілігімен келісе отырып, облыс әкімінің өкімімен Мархабат Жайымбетұлы Жайымбетов облыс әкімінің орынбасары қызметіне тағайындалды. Қызылорда облысы әкімдігінің баспасөз қызметі
Өңір басшысы Гүлшара Әбдіқалықованың айтуынша, әкімнің жаңа орынбасары құрылыс, сәулет, энергетика, тұрғын үй-коммуналдық шаруашылық, жолаушылар көлігі салаларына жауап беретін болады.
Жайымбетов Мархабат 1965 жылы Қызылорда облысында дүниеге келген.
Білімі:
Волгоград ауылшаруашылық институтын, Қорқыт Ата атындағы Қызылорда мемлекеттік университетін бітірген. Экономика және менеджмент PhD докторы.
Еңбек өтілі:
Еңбек жолын 1989 жылы Қызылорда қаласындағы «ГлавАгроРемМаш » жөндеу механикалық зауытының энергетигi болып бастаған.
1993-2005 жылдары аймақтың мұнай-газ салаларында басшылық лауазымдарда қызмет атқарған. Әр жылдары Қызылорда облысы бойынша ТЖД бастығы, Қызылорда облысы әкімінің орынбасары, Қызылорда қаласының әкімі, Арал ауданының әкімі, президент әкімшілігінің мемлекеттік инспекторы болып қызмет атқарды.
Сондай-ақ, Ұлттық экономика министрлігі Құрылыс және тұрғын үй-коммуналдық шаруашылық істері комитетінің төрағасы, Инвестициялар және даму министрлігі Құрылыс және тұрғын үй-коммуналдық шаруашылық істері комитетінің төрағасы, Индустрия және инфрақұрылымды дамыту министрлігі Құрылыс және тұрғын үй-коммуналдық шаруашылық істері комитетінің төрағасы сынды лауазымдарды атқарды.
2021 жылдың мамыр айынан бастап бүгінге дейін Индустрия және инфрақұрылымды дамыту министрінің кеңесшісі болып қызмет еткен.
