11 сәуірде ағылшын тілі мұғалімі мен 8-сынып оқушысы арасында ыңғайсыз жайт орын алды. Осы оқиғадан кейін мектепте Әдеп жөніндегі кеңес өткізілді, оған ұстазға дөрекілік танытқан оқушының анасы шақырылды. Кеңес барысында тараптар татуласып, бір-біріне ешқандай айып тақпайтындарын айтты, деп хабарлайды қала әкімдігінің баспасөз қызметі.
Көп ұзамай денсаулығына байланысты мұғалімнің жұмыстан кеткені айтылады. Қазіргі уақытта ол жергілікті ауруханада емделіп жатыр. Бұл факт, әкімдікте атап өткендей, орын алған жанжалға қатысы жоқ.