Нұрлан Телманұлы Ұранхаев Абай облысының әкімі лауазымына тағайындалсын, делінген Ақорда жариялаған ҚР Президенті Жарлығының мәтінінде.
Осыған байланысты Семейде ҚР Президенті Әкімшілігінің басшысы Мұрат Нұртілеу Абай облысының барлық деңгейдегі мәслихаттарының жиналысына қатысты.
Ол депутаттарға Абай облысының әкімі лауазымына үміткерлер – Уранхаев Нұрлан Тельманұлы мен Смаилов Асхат Сайдахметұлын қарастыру жөніндегі Мемлекет басшысының хатын оқып берді.
Ашық дауыс беру нәтижесінде 25 депутат Асхат Смаловты қолдады, 89 депутат Нұрлан Ұранхаевқа дауыс берген.
Айта кетсек, Нұрлан Ұранхаев бұған дейін Нұр-Сұлтан қаласы Сәулет, қала құрылысы және жер қатынастары басқармасының басшысы қызметін атқарған.
Саяси ғылымдарының кандидаты, диссертация тақырыбы: "Қазақстан Республикасының энергетикалық қауіпсіздігі (Саяси талдау)". Саясаттану ғылымдарының докторы.
Еңбек өтілі:
"Казпромтехмонтаж" тресінің Семей монтаждау басқармасы учаскесінің слесарь-монтаждаушы ұстасы (1987-1990);
"Зергер" өнеркәсіптік-қаржы корпорациясының директоры, Бас директоры, Президенті (1990-1995);
"Аққұс" АҚ Президенті (1995);
"Сары-Арқа" АҚ Сенімді басқарушысы (1995-1997);
"Сұңқар" ЖШС Президенті (1997-2001);
"Казиркутслес" АҚ Бірлескен кәсіпорнының бас директоры (2001-2003);
Шығыс Қазақстан облысының Энергетика, тұрғын үй-коммуналдық шаруашылық және көлік басқармасының бастығы (2003-12. 2003);
Шығыс Қазақстан облысының Энергетика, тұрғын үй-коммуналдық шаруашылық, құрылыс және көлік басқармасының бастығы (01.2004-02.2005);
Шығыс Қазақстан облысының сәулет, қала құрылысы және құрылыс департаменті күрделі құрылыс басқармасының бастығы (02.2005-09.2005);
Күрделі құрылыс басқармасының бастығы - Шығыс Қазақстан облысының сәулет, қала құрылысы және құрылыс департаменті директорының орынбасары (10.2005-01.2006);
Шығыс Қазақстан облысы әкімінің орынбасары (01.2006-02.2007);
ҚР ТЖМ Мемлекеттік материалдық резервтер комитеті төрағасының орынбасары (03.2007-02.2008);
ҚР Премьер-министрі Кеңсесінің индустриялық-инновациялық даму бөлімі меңгерушісінің орынбасары (05.01.2008-2009);
ҚР Президенті Әкімшілігінің мемлекеттік инспекторы (2009);
"Ертіс "ӘКК "ҰК" АҚ Басқарма төрағасының орынбасары (05.2009-06.2010);
Қызылорда облысы әкімінің орынбасары (06.2010-02.2013);
ҚР Тұтынушылардың құқықтарын қорғау агенттігі төрағасының орынбасары (2014-2015);
"ҚазҚСҒЗИ" АҚ Бас директоры (03.2015-09.2017);
Алматы қаласы Сәулет және қала құрылысы басқармасының басшысы (09.2017-2018);
Нұр-Сұлтан қаласының Сәулет, қала құрылысы және жер қатынастары басқармасының басшысы (05.2019 бастап)
