"Биыл 23 мыңға жуық халқы бар 11 ауылды орталықтандырылған ауыз сумен және 39 ауылды кешенді блок-модульдермен қамту жоспарланған. Алдымызда Мемлекет басшысының 2025 жылы халықтың 100%-ін сапалы ауыз сумен қамтамасыз ету міндеті тұр. Дегенмен, қабылданып жатқан шаралардың арқасында бұл көрсеткішті 2023 жылы орындауды көздеп отырмыз. Көгілдір отынмен қамту мәселесіне келетін болсақ, өткен жылы 10 мыңнан астам халқы бар 16 ауылды газбен қамтамасыз еттік", - деді облыс басшысы Өңірлік коммуникациялар қызметінде өткен брифингіде.
Оразалиннің айтуынша, 2022 жылы тоғыз ауылға көгілдір отын тартып, облыстағы газбен қамтылған халық үлесін 93,4% жеткізілмек.
