Өткен жылы өнеркәсіптік қауіпсіздік департаменті бұл ғимаратты тексеріп, оны жұмыс мақсатында пайдаланбау туралы бұйрық шығарған. Барлық қауіпсіздік ережелерін сақтай отырып, жөндеу жұмыстарын жүргізуге ғана рұқсат берілген.Қарағанды облысының әкімі Жеңіс Қасымбек
Әкім «АрселорМиттал Теміртаудың» еншілес компаниясы «Құрылысмет» компаниясы жүргізген жөндеу жұмыстары осы қайғылы жағдайға әкеп соқтырғанын атап өтті.
Әкім қазір қауіпсіздік ережелерінің сапасы мен талаптарын сақтау бойынша тергеу жүріп жатқанын еске салды. «АрселорМиттал» компаниясының екі қызметкері мен еншілес компаниясының басшысы қамауға алынды.
Тергеу жүріп жатыр. Қосымша ресми ақпарат шыққанда, біз одан хабардар етеміз. Жалпы атап айтқанда, «АрселорМитталға» қатысты өнеркәсіптік қауіпсіздікті қамтамасыз ету бойынша проблемалар бар. «Абай» шахтасындағы өткен жылғы қайғылы жағдай есімізде. Онда да қауіпсіздік техникасын сақтауға қатысты сұрақтар туындады. Бұл мәселелер уәкілетті мемлекеттік органдардың бақылауында болады, бірақ мойындау керек: зауыт 60 жыл бұрын салынған, көптеген агрегат пен активті тез арада қосымша жөндеу қажет. Жеңіс Қасымбек
Өңір басшысы өткен жылы «АрселорМиттал Теміртаудың» инвестиция көлемі, оның ішінде жабдықтарды жаңартуға жұмсалатын қаражат екі есеге арттырылатыны туралы келісім жасалғанын атап өтті.
Егер 2019-2020 жылдары «АрселорМиттал Теміртаудың» инвестиция көлемі 80 млрд теңге болса, биыл 190 млрд теңге болды.Жеңіс Қасымбек
10 маусымда «АрселорМиттал Теміртау» АҚ-ның еншілес кәсіпорны «Құрылысмет» ЖШС ұстахана цехының №9 пеш күмбезінің құлауы салдарынан төрт жұмысшы қайтыс болып, тағы біреуі ауруханаға жеткізілді.
Қарағанды облысының полиция департаменті тергеу үшін арнайы комиссия құрды.
ҚР Қылмыстық кодексінің 277-бабында көзделген «құрылыс жұмыстарын жүргізу кезінде абайсызда екіден көп адамның өліміне әкеп соққан қауіпсіздік ережелерін бұзу» қылмысын жасады деген күдік бойынша қауіпсіз жұмыстарды жүргізуге жауапты екі басшы ұсталды.
