Мемлекет басшысының Алматыдағы резиденциясына қатысты: қазір бұзу процесі жүріп жатыр. Оның орнында саябақ болады. Оған әкімдіктің маңындағы саябақты қоспақпыз. Ол Сәтбаевқа дейін созылады. Алматы қаласының әкімі Ерболат Досаев
Қалалық әкімдік ғимаратына келсек, әкімнің айтуынша, билік жобалық-сметалық құжаттаманың қорытындысын күтіп отыр.
Кеше жобалық-сметалық құжаттамаға қорытынды беруі керек еді, кейінге қалдырды, ертең 8 шілдеде аламыз деген үміттемін. Біз оны қалпына келтіреміз. Алғаш рет жөндеу жұмыстарымен айналысатын алматылық бес компаниядан консорциум құрдық. Ғимарат қалыпқа келтіруге жарайды, оны бұзудың қажеті жоқ деп есептеймін. Алматы қаласының әкімі
Бұған дейін жұмыс жыл соңына дейін аяқталады деп жоспарланғанымен, кейін мерзімдер қайта қаралды.
Негізгі үш корпусқа емес, металы жанып кеткен күмбезді залға қатысты өте күрделі жобалық шешімдер болғанын ескерсек, біздің ҚазҚСҒЗИ шатырды жеңіл етудің, оны жеңілірек, жылжымалы әрі отқа төзімді етудің шешімін іздестірді. Келесі жылы Наурыз мейрамына дейін жөндеу жұмыстары аяқталады деген үміттеміз.Ерболат Досаев