Бұл мәліметпен Нұр-Сұлтан қаласының Көлік және жол-көлік инфрақұрылымын дамыту басқармасы бөлісті.
Осы жылдың 22-23 шілдесі күндері жол жөндеу жұмыстарының жүргізілуіне байланысты Жангелдин көшесінің Жеңіс даңғылынан Желтоқсан көшесіне дейінгі аралығы көлік қозғалысы үшін ішінара жабылатын болады.
Сондай-ақ, жол жөндеу жұмыстарының жүргізілуіне байланысты 21 шілде мен 31 тамыз аралығында Бурабай көшесінде Қобыланды батыр көшесінен Шәкәрім Құдайбердіұлы даңғылына дейінгі бөлігінде автокөлік құралдары үшін қозғалыс толығымен шектелетін болады.
Нұр-Сұлтан қаласының Көлік және жол-көлік инфрақұрылымын дамыту басқармасы қалалық ПД әкімшілік полиция басқармасының келісімімен «Сығанақ көшесінен Е22 көшесіне дейінгі учаскеде Е 51 көшесінің (Төле би) құрылысы» жобасы аясында жол-құрылыс жұмыстарын бастады.
Сондай-ақ осы жылдың 23 шілдесі мен 5 тамызы аралығында жөндеу жұмыстарының жүргізілуіне байланысты Тұран даңғылы бойындағы Төле би көшесінің Сығанақ көшесінен «Baspana» және «Nova City» тұрғын үй кешендеріне дейінгі учаскесіндегі көлік қозғалыс үшін ішінара жабылатын болады. Аталған учаскеде асфальтбетон жабынының жоғарғы қабатын төсеу бойынша жұмыстар жүргізілетін болады.
