Бүгінгі таңда 2023 жылға арналған бюджет жасақталу үстінде.Осыған орай, мен сізден туған өлкемізді көркейтуге бағытталған тың ұсыныстар мен жасампаз идеялар күтемін.Бұл жол салу, көшелерді жарықтандыру сияқты жыл сайынғы бюджетке енгізілген ұсыныстар болмауы тиіс.Облыс тұрғындары қажет ететін жобалар өте көп екенін айта кеткім келеді. Мысалы, жол бойындағы дәретханалар, Батыс Қазақстан облысы мен Орал қаласына кіреберістегі белгілер, тарихи ғимараттарды қалпына келтіру, көше өнерін дамыту, дәстүрлі фестиваль өткізу, мүгедек адамдар жолындағы кедергілерді жою және т.б. Жинақталған идеялардың бюджеті анықталып, облыс тұрғындарының талқылауына және дауыс беру арқылы таңдауына ұсынылады. Бір немесе бірнеше идеялардың жалпы бюджеті шамамен 500,0 млн теңгеге дейін болады, - дейді өңір басшысы.
Сондай-ақ, әкім бұрын белгіленген халықтық бюджетке сәйкес сметалық есептер аяқталып жатқанын және жаяу жүргіншілер өткелдеріне 180 шам орнатуды ағымдағы жылдың қазан айында бастау жоспарланғанын жеткізді.
Осы форматтағы жұмыстарды әлі де жалғастыруды көздеп отырғанымызды айтқым келеді. Өз ұсыныстарыңызды ортаға тастауды сұраймын, - дейді ол.
