"Арқар" М-1 көпірі және Момышұлы мен Қошқарбаев көшелерінің қиылысы 2 қыркүйек 20:00-ден 5 қыркүйек 06:00-ге дейін толықтай жабылады, делінген Нұр-Сұлтан әкімдігінің ресми сайтында.
Алдында қыркүйек айының соңында Нұр-Сұлтандағы Сарайшық даңғылы бойындағы көпір ақау табылуына байланысты жөндеу жүргізілетіндігі хабарланған.
Бұдан бөлек, Нұр-Сұлтан қаласының Көлік және жол-көлік инфрақұрылымын дамыту басқармасы жол қозғалысы қауіпсіздігін қамтамасыз ету үшін қалалық ПД әкімшілік полиция басқармасының келісімімен Бөгенбай батыр даңғылындағы жол төсемін жөндеу бойынша жұмыстардың басталғаны да белгілі болды.
Осыған байланысты ағымдағы жылдың 2 қыркүйегінде Мұхтар Әуезов көшесінен Шоқан Уәлиханов көшесіне дейінгі учаскеде автокөлік құралдары үшін қозғалыс ішінара шектеледі.
"Елорда тұрғындары мен қонақтары қала жолдарында кептеліс тудырмас үшін қозғалыс бағытын алдын ала жоспарлауы қажет. Келтірілген қолайсыздықтар үшін кешірім сұраймыз және жөндеу жұмыстарын жүргізуге түсіністікпен қарауды өтінеміз", делінген көлік басқармасының хабарламасында.
