Соңғы күндері Ақтөбе облысы Ойыл өзенінен тасқын судың көп келуі байқалады, бұл Қызылқоға ауданы Миялы ауылын су басу қаупін тудыруы мүмкін, деп хабарлайды Өңірлік коммуникациялар қызметі.
"Миялы ауылы маңындағы тасқын су деңгейін төмендету мақсатында 11 наурызда сағат 04.30-да Миялы және Жангелдин елді мекендері арасындағы жолдың бір бөлігін арнайы техниканың көмегімен қазып ашу туралы шешім қабылданды. Нәтижесінде ауыл маңындағы су деңгейі төмендей бастап, тасқын судың негізгі бөлігі Жарыпшыққан өзенінің арнасымен ағып кетті. Осылайша елді мекенді су басудың алдын алуға мүмкіндік туды", делінген хабарламада.
Сондай-ақ, өткен жылдан бері осындай жағдайға құмды бөгеттің бір бөлігі қалдырылған жол учаскесі ашылғанын да айта кету керек.Қазір барлық қауіпті учаскелерде тәулік бойы кезекшілік ұйымдастырылады. Ойыл өзеніндегі су деңгейі төмендеп, 2,5 метр шамасын көрсетіп тұр.
