РИА Новости агенттігінің жазуынша, саммитте қол қоюға көпжақты құжаттар дайындалған, оның ішінде Ұжымдық қауіпсіздік шартының 30 жылдығы мен ұйымның 20 жылдығына байланысты ҰҚШҰ Ұжымдық қауіпсіздік кеңесінің мәлімдемесі де бар.
Сонымен қатар, әскери ынтымақтастықты нығайту жоспарланған, оның ішінде Ауғанстан аумағынан келетін қауіп-қатер мәселесі де қамтылған.
Биологиялық қауіпсіздік мәселелеріне ерекше назар аударылады, – делінген жиынға дайындалған материалдарда.
Еске салайық, 16 мамырда Кремльде Ұжымдық қауіпсіздік шарты ұйымының мерейтойлық саммиті өтеді. Биыл ол Ұжымдық қауіпсіздік шартына қол қойылғанына 30 жыл және ұйымның құрылғанына 20 жыл толуына орайластырылып отыр.