Бұл туралы Маск Twitter-де жазды.
Кәсіпкер Илон Маск Ватиканда Рим папасы Францискпен кездесті. Ол Twitter-де Папамен және төрт баласымен бірге түскен суреттерін жариялап, бұл кездесу өзі үшін үлкен мәртебе болғанын жазды.
Рим папасы Францискпен кездесу мен үшін үлкен құрмет, – деп жазды ол, бірақ кездесудің мән-жайы туралы кеңірек мағлұмат бермеді.
Итальяндық La Repubblica газетінің мәліметінше, бұл 40 минутқа созылған жеке кездесу болды. Ол Рим папасының жеке аппартаменті орналасқан Ватикандағы Қасиетті Марта үйінде өтті. Әңгіме барысында америкалық кәсіпкер мен Рим папасы "қоршаған орта мәселелері және адамзаттың болашағы" туралы мәселені талқылағаны айтылады.