"Коммерсантъ" басылымы дереккөздерге сілтеме жасап, Қазақстанның Цифрлық даму, инновациялар және аэроғарыш өнеркәсібі министрлігі LG компаниясымен жаңа зауыт ашу мәселесін талқылап жатқанын хабарлады.
Zakon.kz редакциясы түсініктеме алу үшін Цифрлық даму, инновациялар және аэроғарыш өнеркәсібі министрлігіне хабарласты.
1998 жылы LG компаниясы Қазақстанда зауыт ашқан, бірақ ол бірнеше жылдан кейін жабылып қалды. Зауытта тоңазытқыштар, кір жуғыш машиналар мен теледидарлар шығарылды.
Ресейлік сарапшы Леонид Делицынның айтуынша, жұмыс күші арзан болғандықтан, өндірісті Өзбекстанда ашу Қазақстанға қарағанда тиімдірек болады. Бірақ қазақстандық нарық жан басына шаққандағы табыстың арқасында тартымдырақ.