CNN телеарнасының хабарлауынша, 42 жастағы Дэвид Депепи Facebook-те жойылған парақшасында кезінде әртүрлі қастандық теорияларын қолдап, жазбалар жазғаны анықталды. Атап айтқанда, ол өз парақшасында Дональд Трамп талап еткендей, АҚШ-тағы 2020 жылғы президент сайлауының нәтижелері бұрмаланған деп санайтынын жазған. Сонымен қатар, Депепи 2021 жылдың 6 қаңтарында конгресс ғимаратына басып кірген республикашылдардың жақтастарын қолдап, пікір білдірген.
Сондай-ақ, Депепи коронавирусқа қарсы вакциналардың өмірге қауіпті екені туралы расталмаған деректерді жариялап, әлемдік элита пандемияны жаңа әлемдік тәртіпті орнату үшін қолданды деп айыптады.
28 қазанда АҚШ Конгресі Өкілдер палатасының спикері Нэнси Пелосидің жұбайына хирургиялық ота жасалды, одан кейін Сан-Францискодағы саясаткердің резиденциясына белгісіз адам баса-көктеп кіріп, оған балғамен тап берген.